Search the SPREP Catalogue

Wiawi hemi wan impoten nesting saet blong totel long Vanuatu menly blong Hawksbill totel mo Green totel. Pipol oli kam save Impotens blong eria ia long saed blong totel afta long indipendens long ol yia 1990 tru long wok blong Dipatmen blong Forestry. Ol wok ia i lid i ko long setap blong Wiawi Konsevesen Eria. Afta long taem ia Wan Smol Bag (WSB) Totel Monitaring Prokram i stat mo trenem ol kominiti long fasin blong lukaotem totel. Kominiti blong Wiawi i statem wok wetem totel long taem ia blong setemap monitaring mo konsevesen blong totel tru long rikwes blong Jif Timothy mo brata blong hem Jif Konel Nihapi. Tufala olfala i wok had tumas blong sitemap Wiawi Konsevesen Eria mo investem taem mo eneji blong mekem se Wiawi hemi kam wan liding komiuniti-bes konsevesen eria blong totel long kaontri.

Bamboo Bay hemi wan impotent ples long Malekula we ol totel oli mekem nes long hem, speseli ol grin totel mo hoksbil totel. Long 1990s i kam, komuniti blong Bamboo Bay i bin stap monitarem mo lukaot ol totel, ol nes blong totel mo ol pikinini blong totel. Wan long ol olfala long vilej, Noel Kaibaba, hemi fes totel monita long Bamboo Bay we Wan Smolbag (WSB) totel program i trenem hem. WSB totel program i mekem bigfala wok blong leftemap mo sapotem wok we komuniti i stap mekem blong lukaotem totel, tru long fanding we ol projek blong SPREP i givim.